Friday, May 16, 2008

麻辣肥牛豆腐凍?


就本煮食教學短片,我有幾樣野諗唔明。
1)點解要帶雙咁騎呢既膠手套?做手術咩?定係揸左新甲油?又定係秘撈,驚俾人認得出對手?
2)麻醬加辣醬等如「麻辣」?咪玩啦。
3)一大舊牛肉淋上醃料(豉油、糖),話驚整爛,唔可以撈均……咁炒果陣又成舊撻落去……跟住又用筷子整散佢……其實肥牛咁薄,駛乜醃啫?
4)咁煞有介事蒸舊豆腐,去頭去尾,原來同D牛肉毫無關係,汁都唔淋,咁即係點呢?
5)呢味菜究竟點食呢?用筷子夾舊捲得靚靚既「麻辣」肥牛,然後再用匙根筆一忽搭檯既豆腐,一齊擺入口撈埋黎食?咦,差D唔記得墊屍底果D翡翠苗添……
6)最後,也是最重要,「XX凍」的「凍」字是有其特殊意義,不可隨便放到尾(小弟正因為XX凍這菜名引起我的好奇心,才觀看本片)。所以本菜應正名為「麻醬加辣醬肥牛卷伴原味凍豆腐」。

Saturday, May 10, 2008

鉛筆怪獸

其他怪獸


PS:其實仲幾隻怪獸,可惜多番努力,都找不到原來的LINK,激死!

Tuesday, May 06, 2008

粉紅童子<四十五>

治治覬覦治爸的電動牙刷,問治媽:「媽媽,如果爸爸死左,我係咪可以用佢隻牙刷架?」

XXXXX

治治問治媽:「你知唔知呀?」
治媽:「咩呀?」
治治:「住響海裡面果D叫海鮮。」
治媽:「係呀。」
治治:「住響泥果D就叫泥鮮。好似狗啦。住響草果D就係草鮮,D羊呀,D牛呀。咁住響天果D就係天鮮,雀仔果D囉。」
治媽笑:「咁仲有冇呀?」
治治:「頭鮮囉,D頭髮。」

XXXXX

某日,吉之島玩具部‧高達模型,人頭湧湧。
治治大大聲問治爸:「爸爸,點解你成日睇高達既?」
數十雙眼睛盯著那名據稱很喜歡高達的爸爸。
治爸尷尷尬尬地細細聲答:「……唔……都唔係成日睇啫……」
治治大大聲:「乜高達靚咩?」
治爸覺得自己的褲子被拉下似的:「O…OK啦……咁你夠話『爆丸』靚啦!」
治治說:「都靚架。見你咁乖,我畫張生日咭比你啦。」
PS:生日咭雖然是治爸的,但我想向治治說聲:「治治生日快樂!五歲啦,好快D學識自己抹屎!」