粉紅童子＜三十八＞

治治：「媽媽，不如一齊痾大便丫！」
治媽吃了一驚：「唔係卦？」
治治聳肩：「講笑乍，你估屋企有兩個廁所咩！」

ＸＸＸＸＸ

治治小便，問治爸：「咦，如果你響對面痾尿，一齊淝，咁咪變『打仗尿』囉！」
治爸問：「咁點分贏輸呀？」
治治想也不想便說：「邊個痾到冇曬，咪輸囉！」

ＸＸＸＸＸ

治媽跟治治講床邊故事，裡面用上「畫蛇添足」這句成語。治媽簡明地解釋字面意思。
治治：「傻既，畫左Ｄ腳上去咪變蜥蝪囉！」

粉紅童子＜三十七＞

治治神色凝重：「爸爸，我諗過啦，我都係唔做警察。」
治爸哦了一聲：「咁你有乜打算呀？」
治治：「我決定做消防員。」
治爸：「都好呀。」
「不過，」治治伸出小小食指，狀若李小龍地搖擺，傲慢地說：「我唔係普通既消防員。」
治爸：「咁又幾唔普通呢？」
治治：「我係消防員裡面既警察，專捉壞人既！」

ＸＸＸＸＸ

電視新聞報導說有人姓「哈」，婆婆覺得很新奇，自言自語：「姓『哈』都有? 姓『史』姓『廖』就聽過……」
治治搭訕：「姓『屎』？唔得架喎！老師話屎字唔講得，要姓『大便』架！」