Wednesday, November 21, 2007

台慶

我的第一份全職工作是<歡樂今宵>的編劇,正確來說是無線電視綜合節目組的初級編劇,除了每周一晚的<歡樂今宵>外,偶爾會參與其他節目,例如<台慶>。屈指一算,我負責的是二十五周年銀禧台慶,不經不覺已經是十五年前的事。印象裡,台慶主打CAST當然是四大天王。

今年的台慶,最令人驚喜是家庭觀眾大獎得主竟然是謝立文!我估佢響屋企應該睇到笑爆嘴。除了阮兆祥扮鬼扮馬稍為可觀,看得出下過功夫外,其他的環節……唉,我覺得當年傳理系的Year One Performance仲好睇。

話說當年有一晚<歡樂今宵>舉行兒童歌唱大賽之類的東西,我們這等按本子辦事的編劇當然寫來寫去也是那些「好啦,又到左揭曉結果既緊張時刻啦……」司儀盧大偉罕有地發少少脾氣:「呢D對白邊個寫架?D豆靚唱歌,幾廿歲人有幾緊張呀?」

十五年後的台慶充斥大量「冇錯啦……」、「好啦,又到左緊張時刻……」、「為左舒緩緊張既情緒,我地先欣賞一下XXXX……」之類的爛對白(其實所有節目的司儀稿也一樣)……縱使將來電視「高清」了,卻不代表水準會相應提昇。

American Next Top Model每集都要淘汰一名參賽者,每次名模主持都要講一些大方得體,又要顧全參賽者顏面的說話。但編劇每次都寫得用心,實在不容易,值得借鏡。


PS:補貼當年工作一點回憶

郭富城的青春與活力

葉玉卿的萬種風情

8 comments:

契媽 said...

哈哈哈,贊成盧大衛的反應,不過,一切因果循環,皆因待遇不足請不到有心有料人呀,編審果個都唔係叻過個小編劇好多,觀眾水平係咁呀,時間倉卒,rundown又百改呀,節目本身無新意,參加者水平真係好雞呀......不過,今年同盧生合作,佢真係一個值得尊重的專業司儀咯!

jon said...

題外話,我的新同事原來識你,他是森記常客湯米

chungfei said...

其實...果個家庭觀眾謝立文, 係唔咪真係寫麥嘜麥兜果個呀...?

愛美 said...

咦, 我地都算做過同事喎,
25周年, 我啱啱走左

袁建滔 said...

契媽:

話說當年大衞高柏飛來港做SHOW,盧生是大會司儀。回到TVB,眾人爭相追問他另一個大衞是如何飛天,D威吔點樣吊,盧生說他簽了合同,不能講,激死!

JON:
湯米……可能見樣就知邊個卦。

chungfei:
當然唔係麥兜果個啦!

愛美:
你做乜野部門先?我家姐ROSANNA都係做綜合節目部,早我一年走。

不是鋒 said...

八卦問下,你有無同一個姓華的writer合作過?

袁建滔 said...

不是鋒:

華國X?當然有。台慶便是由我倆負責。(編審是傳說中的大口連,嘿嘿!)
華國X後來昇了做編審啦。大概是去年吧,在街上碰到他,自稱離職了。但某天在TVB某節目製作人員名單裡,赫然又見到他的大名。

Manuel said...

spas in houston

plumbing supplies toronto

apartments for rent

requirements

san diego events this weekend

Ottawa apartments

weather Halifax

hot yoga calgary

hotels downtown vancouver

downtown calgary hotels