粉紅童子＜四十＞

治治：「爸爸，點解有Ｄ人Ｄ指甲粉紅色既？」
治爸：「哦，佢地搽左指甲油吖嘛。通常女仔至搽架。」
治治：「點解呀？」
治爸：「靚Ｄ卦。好似有Ｄ人將Ｄ頭髮染做金色咁囉。」
治治：「咁點解卡通片入面Ｄ人Ｄ頭髮係綠色既？」

ＸＸＸＸＸ

治治在家裡突然祈禱：「感謝天父，希望可以有架阿Mack（反斗車王Cars裡面的角色）做聖誕禮物。」
治媽被治治的舉動嚇呆：「治治，派聖誕禮物果個唔係天父，係聖誕老人噃！」
治治：「咁佢地都係天上面果Ｄ人唻家嘛！」

ＸＸＸＸＸ

治治沖涼時告白：「爸爸，頭先上興趣班果陣，我自己去左大便。」
治爸大驚：「吓！咁邊個同你抹呀？」
治治：「自己囉。」
治爸：「你識咩？」
治治：「咁我張廁紙抹落去，望一眼，冇野，咁咪即係抹曬囉，乾淨囉。」