粉紅童子＜三十一＞

治媽丟掉小半包餅乾。
治治問為甚麼要丟了它。
治媽拿出餅乾，指著「味賞期限」，解釋每樣食物都會過期，吃不完便要棄掉。
家裡種了棵碗豆，長得快，也死得快。
治治指著乾枯得像禾桿草的豆屍：「過左期呀，仲唔丟左佢？」

ＸＸＸＸＸ

治媽講＜狼來了＞。治治很喜歡，隔了一天，叫治媽再講。
治媽叫治治自己翻書看目錄，找一個故事名稱有「三個字」，最後一個字是「了」的，便是＜狼來了＞。書名後的數字是頁數，依著數字翻便可以找到。
治治依樣去辦，找到＜狼來了＞，很有滿足感。

數天後，幼稚園派給每位小朋友一盒魚肝油，盒面上靚目地印上「司各脫」三個字。
治治拿著盒子，問治爸是甚麼。
治爸：「魚油咯。」
治治眉頭緊皺，大為不滿：「啐，三個字架！」
治爸以為治治講的是「時間」：「咩野三個字呀？」
治治手指在盒面逐個字點出來：「呢度明明三個字架嘛，邊係『魚油』啫！」
治爸明白了，滑頭地說：「『魚肝油』至真！」但隨即想到那三個字不是「魚肝油」，於是嘗試解釋：「呢三個字係『司各脫』，係一個『牌子』。即係話，呢樽『魚肝油』係佢地整既。」
治治眉頭皺得更緊，他根本不知道我在說甚麼。
治爸嘗試舉例解釋何謂「牌子」：「『牌子』呢，即係講製作佢既公司。好似叉燒飯咁，『大家樂』又有得食，樓下『味味佳茶餐廳』又有得食。咁『大家樂』同『味味佳』咪一個牌子囉！」
治治眉頭皺得緊無可緊：「都唔知你講乜。」

ＸＸＸＸＸ

電視正播映一個探討老人退休、供養的節目。
治媽問：「治治，你大個左會唔會生仔呀？」
治治：「唓！我都生唔到仔既。」
治媽：「咁咪叫你老婆生囉！」
治治：「哎呀，都咁老，點生啫！」