粉紅童子＜二十七＞

爸爸教治治心算。「試下闔埋眼，幻想有Ｄ手指俾你數，得唔得？」
治治信心滿滿：「得。」
爸：「ＯＫ。三加四等如幾？」
治治閉眼，高舉雙手，數手指……

ＸＸＸＸＸ

治治出水痘，嫲嫲特地煲了薏米水降火（？），治治大叫好味。
治：「嗱，到我三十七歲果陣，如果你出水痘，我煲俾你飲吖！」
爸：「我三歲果陣出左啦。不過你煲得出，我一定同你飲晒佢！」

ＸＸＸＸＸ

爸翻開治治中文課本。
爸：「『雲』、『雪』，全部同『雨』有關，所以上面都有個『雨』字。」
治點頭。
爸：「個『熱』同埋蒸汽火車頭個『蒸』字，都同『火』有關，所以下面有個火，即係果四點。」
治：「咁係唔係雨同火有關架？」
爸：「講咩呀你？」
治：「車，咁『雨』裡面又係有四點家嘛！」
爸：「呃……錯，『火』既四點，係咁咁咁咁（手指橫向），『雨』既四點，係咁咁咁咁（上下左右），唔同架！」
治：「咁茅既你，唔同你玩啦。」

ＰＳ：粉藍童子回家，只管吃、痾、訓，痛快！