粉紅童子＜三十三＞

治爸和治治到戲院看罷＜大雄的恐龍＞，晚上便從書櫃裡找出恐龍書大看特看。
治治指著一條頸項特長的恐龍問治爸：「爸爸，呢條龍叫咩名呀？」
治爸讀出印在一旁的名字：「蛇頸龍。因為佢條頸好似條蛇卦……呀，咁如果條頸好似隻貓，咁隻龍應該叫咩名呢？」
治治想了一會：「貓頸龍！」
治爸：「咁如果條頸好似治治呢？」
治治笑答：「治治龍！」
治爸：「叻仔。」
治治接著反問治爸：「爸爸，咁如果條頸好似隻眼呢？」
治爸還未弄清楚治治在說甚麼東東，他已大聲說：「眼『鏡』龍囉！」

ＸＸＸＸＸ

隔天，治治說最喜歡大大條的「雷龍」。
治爸說牠是素食恐龍，只吃樹葉和菜菜。
治治問：「佢咁大條，咁咪唔駛驚好跩果D恐龍囉！」
治爸說：「不過呢，果D跩跩恐龍會夾埋幾個朋友，一齊蝦佢，食左佢架！」
治治一臉憂色：「咁不如搵獵人幫手啦！」
治爸說：「果陣都未有人類。」
治治：「咁呀，不如搵警察叔叔啦！」

ＸＸＸＸＸ

治媽跟治治溫習英文生字。
「獅子，LION。」
治治彷彿發現一樣很新奇的事物似的：「嘩，咁獅子咪即係警察！」
治媽摸不著頭腦：「你講乜野呀？」
治治：「你話獅子『拉人』呀嘛！」

PS：＜大雄的恐龍＞的製作團隊裡有一名很出色的動畫師，每每負責片裡難道最高，也就是「玩野位」的地方（例如叮噹高速駕駛時光機，嘴巴被強風吹至變形）。他的線條豪邁狂放，跟其他動畫格格不入，一眼便認出來。按道理，這種不協條／業餘的情況只有＜麥Ｘ動畫＞才會出現:P，但本片導演顯然格外開恩，讓動畫師自由發揮，實在值得鼓掌。以兒童電影的標準，本片略嫌過長，末段更有少許失控，但仍是一部很不錯的動畫。３Ｄ唔係大曬既。