粉紅童子＜三十五＞

治治如廁，繼續他的屎屎GAG。
「咦，媽媽，點解肚痾咁好笑既？
Ｄ屎一PAT就好快咁痾晒出黎！
Ｄ屎好乖喎，我都未痾完，佢地就痾晒出黎！」

ＸＸＸＸＸ

治治：「爸爸，我想做警察呀。」
治爸：「點解呀？」
治治：「因為可以用鎗殺死Ｄ壞人。」
治爸：「唔……不如做醫生啦，可以醫好Ｄ病人。」
治治皺起眉頭：「但係Ｄ壞人咁曳，要射死佢地架。」
治爸流汗：「其實呢，警察唔可以隨時開鎗殺人架。」
治治大吃一驚：「點解呀？」
治爸乾咳了兩聲，替治治補了課「幼兒司法入門」，由捉賊、搜證、上庭、判刑等，逐一解釋，總之結論是：縱使對方是有罪的壞人，也不可輕言殺了他。
治治一臉落寞：「乜原來警察唔可以開鎗殺人架……咁……我去做童軍啦！」
治爸反了白眼：「做童軍都唔可以開鎗殺人架！」
治治苦思一會：「丫，我有辦法。」
治爸忍笑：「你有乜野辦法呀？」
治治：「拿，咁我做警察果陣，最多唔用鎗，袋多把劍響身咪得囉！」