粉紅童子＜四十四＞

清明節前夕，治治問治媽：「聽日係唔係有人死呀？」
治媽聽到一頭霧水：「咩話？」
治治：「跟住去拜年丫嘛！」
治媽：「『拜年』？你係唔係想講『拜山』呀？」
治治笑說：「……係呀係呀！同埋『大霧』丫嘛！」
治媽哭笑不得：「係『掃墓』呀！」

ＸＸＸＸＸ

治治頑皮，氣得治媽衝口而出說了句「信唔信我殺左你丫拿！」
治治眨眨眼：「咁你會唔會掃我墓架？」

ＸＸＸＸＸ

治爸的外婆過身，回鄉送葬。
治治問治媽：「咁爸爸以後仲番唔番黎架啦?」

ＸＸＸＸＸ

治治睡前說笑話：「有Ｄ人畫野，雖然畫得好靚，但係畫怪獸呢，就好醜樣。」

ＸＸＸＸＸ

治治穿上「轆轆鞋」，治媽替他戴上頭盔。
治治指著膝蓋：「咁保護呢度果舊野呢？」
治媽：「保護個頭既呢，叫做頭盔。保護膝頭既呢，就叫做護……咩呀？」
治治：「膝盔！」