粉紅童子＜四十五＞

治治覬覦治爸的電動牙刷，問治媽：「媽媽，如果爸爸死左，我係咪可以用佢隻牙刷架？」

ＸＸＸＸＸ

治治問治媽：「你知唔知呀？」
治媽：「咩呀？」
治治：「住響海裡面果Ｄ叫海鮮。」
治媽：「係呀。」
治治：「住響泥果Ｄ就叫泥鮮。好似狗啦。住響草果Ｄ就係草鮮，Ｄ羊呀，Ｄ牛呀。咁住響天果Ｄ就係天鮮，雀仔果Ｄ囉。」
治媽笑：「咁仲有冇呀？」
治治：「頭鮮囉，Ｄ頭髮。」

ＸＸＸＸＸ

某日，吉之島玩具部‧高達模型，人頭湧湧。
治治大大聲問治爸：「爸爸，點解你成日睇高達既？」
數十雙眼睛盯著那名據稱很喜歡高達的爸爸。
治爸尷尷尬尬地細細聲答：「……唔……都唔係成日睇啫……」
治治大大聲：「乜高達靚咩？」
治爸覺得自己的褲子被拉下似的：「Ｏ…ＯＫ啦……咁你夠話『爆丸』靚啦！」
治治說：「都靚架。見你咁乖，我畫張生日咭比你啦。」
ＰＳ：生日咭雖然是治爸的，但我想向治治說聲：「治治生日快樂！五歲啦，好快Ｄ學識自己抹屎！」