Friday, May 16, 2008

麻辣肥牛豆腐凍?


就本煮食教學短片,我有幾樣野諗唔明。
1)點解要帶雙咁騎呢既膠手套?做手術咩?定係揸左新甲油?又定係秘撈,驚俾人認得出對手?
2)麻醬加辣醬等如「麻辣」?咪玩啦。
3)一大舊牛肉淋上醃料(豉油、糖),話驚整爛,唔可以撈均……咁炒果陣又成舊撻落去……跟住又用筷子整散佢……其實肥牛咁薄,駛乜醃啫?
4)咁煞有介事蒸舊豆腐,去頭去尾,原來同D牛肉毫無關係,汁都唔淋,咁即係點呢?
5)呢味菜究竟點食呢?用筷子夾舊捲得靚靚既「麻辣」肥牛,然後再用匙根筆一忽搭檯既豆腐,一齊擺入口撈埋黎食?咦,差D唔記得墊屍底果D翡翠苗添……
6)最後,也是最重要,「XX凍」的「凍」字是有其特殊意義,不可隨便放到尾(小弟正因為XX凍這菜名引起我的好奇心,才觀看本片)。所以本菜應正名為「麻醬加辣醬肥牛卷伴原味凍豆腐」。

2 comments:

felix said...

haha...廚具....有鑊一隻....hahaha!!爆!

陸宜 said...

豆腐既然要切頭切尾唔要,不如買舊細啲啦,世界糧食短缺,好多地方有好多人餓死。
查實個餸係熱葷定冷盤?豆腐係凍嘅,但係牛肉又熱喎,再者,肥牛搞咗咁耐,都老哂啦!唔好意思,我未免刻薄咗啲,
「忽冷忽熱麻醬加辣醬老肥牛卷伴原味凍豆腐」會唔會貼切啲?