Saturday, June 14, 2008

粉紅童子<四十七>

治治告訴治媽:「梁XX(同學)既爸爸四十一歲啦!」
治媽:「年齡係人地秘密黎架,唔可以隨便話比人聽架。」
治治:「咩呀?可以架,秘密可以話比一個人聽架!」

XXXXX

北京奧運預告之類的電視節目放映中。
治治大喊螢幕上女記者/主持的名字:「李恩雞!」
治媽笑到碌地,連忙更正:「係『李思雅』呀!」

翌日,又到放映該節目的時段。
治媽故意問治治:「記唔記得姐姐叫咩名呀?」
治治笑了笑,滿臉自信:「『李思雞』丫嘛!」
治媽再次笑到碌地:「『李思雅』呀!冇人用個雞字黎做名架!」
治治搖頭表示反對:「『似雞龍』咪用個雞字做名囉!」

「似雞龍」是治治愛書<100恐龍珍奇寶鑑>裡面其中一種恐龍。因外形似雞(其實似駝鳥多一點),故名「似雞龍」。

1 comment:

emily said...

治治對"秘密"一事的洞察力實在令人敬服!