處女唱Ｋ

本周除了處女投稿外，最大件事是處女唱Ｋ！

由中一認識至今的老朋友，有人新婚，有人添丁，有人生日，有人升職，還有便是紀念大家相識二十五年！如此高興，吃過晚飯意猶未盡，決定再下一城。

大鄉里出城，乜都唔識。喬靖夫跟新郎哥一馬當先，高唱當年飲歌＜情已逝＞和＜楚歌＞，仲有太極的＜紅色跑車＞和＜CRYSTAL＞。跟住有人唱側田和草蜢，跟我太遙遠，還是譚詠麟、BEYOND、達明入耳。唱（嗌）完＜金屬狂人＞，聲都沙了。如果地方夠大，可以開枱打天九就PERFECT啦！

PS：唱Ｋ是一項高危活動，房裡只要一個人有傳染病，或者痾完唔洗手，睇怕其他人都死硬，還是少去為妙。