回憶未來

香港藝術中心正舉行由麥少峰、何家超、張子明（註）三名figure高手合力泡製的雕塑展＜回憶未來＞。你不認識他們？不要緊，看過後，包你以後記得他們的名字。
睇完雕塑，可以直接由五樓跳落去四樓睇幾米的畫展，門票三十大洋。值唔值？見仁見智。看完覺得不值，便當其中二十九元是付給樓上的雕塑展吧，心裡可能好過點。

大眼仔建議行程如下：
灣仔地鐵站出去金鳳買杯凍奶茶，然後再繞到軒尼詩道買包蒜香炸魚皮，一路食，一路行落藝術中心。抹乾手，先睇雕塑展，摸下展品（這是欣賞過程的一部份嘛……）。滿心興奮地跳落四樓睇幾米，然後無癮地跑回五樓，買兩個靚靚扭蛋，讓心情好過點。沿演藝中心行往金鐘地鐵站，到太古廣場內的GREAT，吃一個貴貴漢堡包，再買一大堆貴夾唔飽的零食回家。

註：張子明是麥嘜動畫客席元老，馬爾代夫（TV版）內的麥兜全出自他手筆。電影版時，為了統一造型，該段麥兜重新再畫，但動作仍以他的舊稿作藍本。

PS：八月十九日，又一城將舉行天野喜孝畫展！
PS2：唔知時代廣場朱銘展完左未呢？