粉紅童子＜十二＞

治治一起床，便放了個屁。
治：「哎呀，放左個Ｐ添。放埋Ａ，放埋Ｂ，放埋Ｃ……」

ＸＸＸＸＸ

治治戒了夜片多時（即是睡覺也不用穿尿片），但偶爾仍會尿床。
某朝尿床後，我威脅說，要他再穿尿片。
治治強烈反抗：「我已經三歲，大個仔，唔駛著片啦。」
接著更九唔搭八說下去：
「知唔知，一歲食一號粉（奶粉）。兩歲食兩號粉，三歲食三號粉，四歲食四號粉，五歲食五號粉，七歲食七號粉，十一歲食十一號粉，知唔知！」

ＸＸＸＸＸ

兩父子的玩具把家裡搞到一團糟。
治媽發火：「我遲早殺晒你兩個！」
治皺起眉頭：「你唔好殺死我地兩個啦！」

ＸＸＸＸＸ

治：「爸爸，狗狗食咩架？」
爸：「食骨頭咯。食肉肉咯。」
治：「咁羊食咩架？」
爸：「羊食草草咯。」
治：「咁恐龍食咩架？」
爸：「你講乖乖果Ｄ恐龍定係曳曳果Ｄ恐龍先？」
治：「乖乖果Ｄ呢？」
爸：「食草草咯。」
治：「咁曳曳果Ｄ呢？」
爸：「食乖乖果Ｄ咯。」

ＸＸＸＸＸ

童子暑假結束。爸爸的暑假也同時結束。
努力！