粉紅童子＜十四＞

治治每次大便後，都要看一看「成績」。某次看過便便後……
治：「哈，咁好笑既！」
爸：「有乜野咁好笑？」
治：「Ｄ屎好多好犀利咯！」

ＸＸＸＸＸ

治治每次看完「成績」，便會伏在我膝上，蹺高屁股讓我清潔。
某次他伏底後才說：「今日好犀利架。」
爸：「有幾犀利呀？」然後我偷看一眼，只見便便又長又大條，前半截灰白色，後半截屎色……談不上犀利，不過幾得意，有點像「了結糖（？）」，於是再望多眼，研究一下。
治卻等得不耐煩：「哎呀，你快Ｄ抹屎啦！唉！」

ＸＸＸＸＸ

某次大便時，治治的咕咕硬了。
治：「咦！點解咕咕會大左嘅？」
爸：「你唔好搞佢啦，一陣就會細番。」
治：「大左係唔係痾多Ｄ殊架？」
爸：「唔……都算係嘅……」
治：「咁Ｄ女仔冇咕咕點痾殊架？」
爸：「……呀……佢地唔係用咕咕痾殊架！」
治：「咁用咩痾呀？」
爸：「……呀……哎呀，我唔知點講呀……」

PS：小學年代，我們稱之為「雞雞」或「GAP GAP」，不知三十年後的代號有沒有改變……