粉紅童子＜十九＞

臨近聖誕，治治每天放學，都塞滿幼稚園老師、阿姨送的禮品小食包。
爸正烘多士，問治治吃不吃，要牛油還是花生醬。
「兩樣都唔要。我要搽呢個。」治治從禮品包裡淘出一塊「旺旺雪餅」。
爸沒好氣：「餅就咁食就得架啦，冇得搽架！」
治治開始眼紅，堅持要用餅乾作餡料。
爸：「我就夾比你食，你咪後悔呀！」
於是，「旺旺雪餅三文治」誕生了！奇蹟的是，治治竟把它吃光……

另一天，治治的獵物是阿姨送的聖誕帽狀軟糖。
治治仍有數聲咳，爸不想他吃糖。經過一輪討價還價，最後爸只讓他吃「聖誕帽」的一半：「食紅色定係白色？」
治治想也不想便選了白色，吃得津津有味。
我問：「白色係咩味？」
治：「聖誕老人味囉！」

ＸＸＸＸＸ

百力滋剩下最後三枝。治治要了一枝，餘下的分給爸媽，然後高舉起來：「飲杯！」

ＸＸＸＸＸ

爸：「快D食飯，食一半至准睇電視！」
治治拼命吞了數口：「睇得未呀？」
爸看一看治的飯碗：「你都未食夠一半！」
治：「唔係喎，我已經食左兩半啦！」