粉紅童子＜二十＞

治治放學，一臉微笑，興高采烈告訴我：「（校巴）姨姨話呢，如果我地邊個乖仔，就請我地食糖呀！」
爸：「咁你話佢知，我好乖仔，我唔食糖架。」
治治臉色一沉，小嘴一扁，然後哭起來……

ＸＸＸＸＸ

治治在浴盆沖涼。爸急小便，為免尷尬，便坐在廁板解決。
治：「爸爸你痾屎呀？」
爸：「唔係呀，我痾尿之嘛。」
治：「咁你點解用欏柚痾尿既？」

ＸＸＸＸＸ

治治看上媽媽的項鍊。
治：「媽媽，條鍊可唔可以俾我呀？」
媽：「梗得啦，等我死左先啦。」
治：「好野！咁你幾時死呀？」