治治畫火車。爸問：「司機叔叔呢？」
治治有點惱我笨：「佢都冇番工，架火車頭自動家嘛！」
ＸＸＸＸＸ
治：「等我三十七歲果陣，我會做卡通片。」
爸：「前排你話揸巴士個喎？」
治：「揸巴士咁危險（還記得巴士撞貨櫃車新聞）。呀，不如揸火車吖！」
爸：「火車可能會響隧道火燭個喎！」
治：「呀……咁不如揸飛機啦！但係可能會撞飛機個喎！」
爸：「個天咁大，又冇馬路，好難撞架。」
治：「好呀，就揸飛機啦！」
ＸＸＸＸＸ
新聞報導將軍澳泳池發現老鼠浮屍，經調查後，原來是一隻可憐的鷹，在泳池上空丟失了午飯。但治治更關心那頭可憐的老鼠。
治：「媽媽，老鼠既爸爸媽媽會好擔心架。」
媽：「係呀，所以細路仔，唔好自己單獨出街玩呀。」
治：「係囉，咁等我三十七歲，大個仔，至出街玩啦！」
媽笑：「好呀，咁你慢慢等啦。」
治：「又或者等你死左之後，我至自己出街玩啦！」
媽哭笑不得：「衰仔，你想出街玩就玩到夠啦，唔駛等我死架！」
4 comments:
哈哈哈…童言無忌!
諗起今年大年初一去拜年,一屋都係人。
舅公個孫仔(9歲)係麻雀檯側邊不停咁講:「阿公(即我舅公)真係勁喇…阿公真係好西利呀…阿公佢真係真係好勁架…」
正當各大人以為個細路要講「衰野」,為免尷尬,冇人出聲問佢「阿公有乜咁勁」。
細路見冇人出聲,就繼續係度講:「阿公佢真係好勁架…咁大年紀都仲未死!」
「衰仔,亂講野!」
新年流流,真係大吉利是。
正！令我想起＜big Daddy＞裡面個GAG。
前妻改嫁白頭佬，前夫不解。
前妻解釋：「他不是你想像中的糟老頭（大意）He has five years plan!」
前夫：「What plan？don't die？」
哈哈哈!真係啜核!
仲有一個笑話,係以前上網睇既:
孫仔同麻麻坐火車,孫仔同麻麻講:「麻麻,媽咪好錫妳架!」
麻麻:「下? 乜係咩?」
孫仔:「係呀,佢成日都話麻麻會長命百歲架!」
麻麻:「估…估唔到喎!」
孫仔:「係呀,佢帶我買餸個陣成日都話:『你阿麻真係…咁多人死唔見佢死…唉!』~」
雖然話呢d野大吉利是,不過真係幾哭笑不得…
很久沒有探訪粉紅童子了，今日再來，還是童言甜美。多謝分享！
Post a Comment