治治看完＜異獸戰Alien vs Predator＞，愛上兩大異獸。一日路經兆萬的HOTTOYS，看到櫥窗內接近30cm高的異形手辦完成品（原型師應該是竹谷隆之），大為震驚。
治：「爸爸佢好殘忍架。」
爸：「幾架！如果比佢咬親就慘啦。」
治點頭表示同意：「係啦，不如比鯊魚咬死算啦。」
ＸＸＸＸＸ
爸與治剛踏出地鐵站出口。
治：「咦，100M綠色小巴呀！」
爸：「果個牌係100Mb寬頻呀。」
ＸＸＸＸＸ
治與媽扭玩，媽的赤腳印在治臉上。
爸不悅：怒喝「有冇搞錯呀，污糟辣塌有咩好玩呀？」
治大受委屈，立時紅了眼，大哭。
爸辯解：「我唔係鬧你呀，我鬧媽媽咋！」
媽亦開腔：「係呀，爸爸鬧我咋，唔係閙你呀。」
爸抱起治，治起來後立即甩開我雙手，一臉怒容盯著我。
爸從來未見過治表露出如此憤怒的表情。
治惡言惡語：「我呀，而家嬲到著火架啦！」
爸忍笑：「你做乜嬲到著火啫？我鬧媽媽之嘛。」
治更惡：「你呀，做乜鬧我阿媽呀？」
10 comments:
細個睇《鐵血戰士》,比佢個d斬頭、殘殺招數嚇死,夜晚損落爸爸個格甩底訓,但仲要成日形住個predator隱左形企係門口…治治真係勁!
不過AvP既血腥度下降不少,同埋有d不滿套野勁快死淨個女主角,同埋攪到predator好似英雄救美咁…:(
仲有…以前我舅父有個朋友講既:
佢話佢個仔(個陣5歲左右)話要學柔道,原因係佢阿爸打左佢一巴,佢話:「我大個一定會報仇,打返你!」
袁兄,小心! :P
三歲定八十
貴公子長大後定必孝順父母
非常勁喜歡看你寫治治
證明治治黐媽咪，努力做個壞爹o地啦。;p
題外話：只怪荷里活忘記左20年前隻AVP街機，唔係的話齣AVP應該好睇好多。XD
==>非常勁喜歡看你寫治治
同意
haku:
呵呵!早排係朋友屋企玩過啊!~正~
有冇玩過早幾年個隻avp既第一人稱射擊?
個故事一流啊,人類、alien、predator都有自己既一段故事,而且三段故事都有少少關係。
謝謝各位厚愛。
當年唔知乜頭乜路去睇＜鐵血戰士＞、＜DIE HARD＞、＜英雄本色＞、＜黃飛鴻＞，真係又驚又喜。
而家睇戲太揀擇（因為貴），太多RESEARCH，聽太多意見，好難再有類似爆腦經歷。（電影節可能有D機會，不過自從治治出世後，我已與電影節無緣。）
個陣仲以為鐵血戰士係戰爭片啊,哈哈哈!
細個冇得揀,爸爸睇咩我就跟佢睇,所以都幾志趣相投(由佢一手一腳做成)…
而家多數都係聽左好多意見,「呢套必睇呀」、「呢套bt都廢事」而決定邊套入場睇,邊套平平地等租碟…
就係冇左個種「入場先知係咩野一回事」既驚喜。
(近來例外既有《死亡魔法》,難得完全唔知頭唔知路之下去睇,驚喜呀!!)
Well, I do not really imagine this is likely to work.
garage door openers | carrier air conditioner parts | air duct cleaning toronto
Post a Comment