粉紅童子＜二十三＞

治治想畫水彩畫，叫我替他準備畫具。
爸：「咦，做乜突然想畫水彩既？」
治：「我諗過都係想做卡通片呀。」
爸：「你前排唔係話要揸巴士既咩？」
治：「我驚撞到傻左吖嘛。」

ＸＸＸＸＸ

乘搭地鐵，治治全程發呆。
爸：「諗緊Ｄ乜野呀？」
治皺眉想一想：「我都唔知我諗緊Ｄ乜野。」

ＸＸＸＸＸ

治治要去公園踏單車。爸爸命令要「先小便，後出發」。
治堅稱沒有急小便，不用去。但在媽媽脅迫下「就範」。
爸在客廳聽到響亮的「小便聲」：「哼，頭先又話冇尿痾？」
治向媽投訴：「我唔想佢聽到我D痾尿聲呀！」

ＸＸＸＸＸ

治治在茶餐廳吃火腿奄列，大讚好味：「媽媽，我大個左，三十七歲果陣煮比你食吖！」
媽媽心裡一熱：「好呀！」
治：「不過唔知你果陣死左未呢？」
「衰仔！」