我的姨甥（林同學）給我的印象是乖乖仔，愛讀書，愛籃球的中六理科生。數月前，在街頭八卦一下，取了份施政報告，給明報的記者逮住，被問及對施政報告內提及擴大行政會議人數有何看法。林同學「認為可能只是政治姿態，日後政府施政是否有進步，仍有待觀察。」（有關新聞）
我們讀完報都呆了，那個滿腦子化學程式和要去美國打NBA的林同學怎可能答出這番話？我問他怎會用「政治姿態」這些詞彙。他憶述當時記者的提問大概是：「你認為施政報告內提及擴大行政會議人數，是否一種政治姿態？」我想當時姨甥仔大概答了句「係卦……」。
這樣水平的提問，跟那些颱風過後，跑到街市隨便找個主婦問她：「打完風D菜有冇貴到呀？」
我最想聽到的答案是：「咁都仲駛問？你都白X痴，仲有冇第二D野問呀，咪阻住我番屋企煮飯！」
3 comments:
同類問題︰
災難後問失蹤者家屬︰「你依家擔唔擔心呀？」
問剛拿了金牌的運動員︰「你依家心情興唔興奮呀？」
問差點給人斬掉一條手臂的男孩︰「o甘多人關心你，你多唔多謝佢o地呀？」……
每次比人唔小心整親,當人地問及:「點呀?痛唔痛呀?」
「唔痛~仲好舒服添!」
仲有新界水浸，為了表示水深及腰，記者就會著晒硬膠衣插在水裡示範。明明唔到腰都要縮低整到佢到腰，因為「水深及脾」唔多好聽。
從未見過水深及胸，可能出唔到支咪同個LOGO……
水深過頭果陣又唔見佢地出部水底CAM去拍！
Post a Comment