Monday, May 08, 2006

大狼狽

早上跟治治到公園踏單車,他說急急,便把他帶到小樹下。除褲的時候,發現拉不下褲子。再拉,也拉不下。低頭看,卻被他的手臂碰跌眼鏡,著地後鏡片應聲裂開--的同時,褲子已拉下,身子還未站直,尿尿便射出來,弄得一腳一褲都是。正要罵他的時候,發現他雙膝微屈,看看屁股,原來同時拉了一些屎!部份在地上,少許沾在褪下的褲子。身上沒有紙巾,又處於半盲狀態,只有摘下眼前樹葉來抹去褲上屎塊。腿上的尿也沒空處理,拉上褲子,帶回破裂的眼鏡,打算回家洗白白。本來玩得興高采烈的治治當然大哭大鬧,可是沒法子,只好又拉又扯,急急腳離去。

PS:我和治媽各自因為和治治玩耍而跌/碰/撞壞眼鏡兩次。配眼鏡的師傅體諒我們的慘況,語重心長的說:「其實你地有冇諗過呢……」
治媽心想:「你又想哄我地買乜先……」
師傅:「……以後唔同個仔玩呀?」

PS2:經過兩劫後,決定配不碎膠,換新框,盛惠八百三十……PG MK2(titans)……

13 comments:

emily said...

........

帶紙巾吧...
我比較同情治治...不能X屎是很慘的....

袁建滔 said...

平時,乾濕/紙巾毛巾必備,但尋日因為落去樓下平台花園,諗住近近地……唉。

bonne said...

有冇比人見到當時情況??
對小朋友心理有冇影響架......

hoyin said...

其實治治都三歲, lee 個 situation 正好係教佢 "獨立" 同埋"正面思想" 既好機會. "屎" 頂多咪污穢, 唔死得人, 最緊要自己唔好成個人謝哂先. 同佢輕鬆 D 面對賴屎 lee 件事... 或者叫佢幫睇唔倒野既爸爸找眼境... 想下乜野去代替紙巾...

我有次同亞仔上天台玩吹泡泡, 整左一大盆泡但一開始玩就倒瀉哂, 當時第一個感覺係 "謝左", 佢亦喊哂口, 之後我就冧點安置個仔然後再上番天台抺地 (因為個天台係公家), 但冧冧吓不如叫埋亞仔一齊抺, 佢從未抺過地, 個地越抺越多泡, 結果大家抺得好開心!

袁建滔 said...

說得好啊。
下次冷靜D試下。
謝:)

靜儀 said...

果然真係教仔都要好好好好有學問~!

Sito said...

玩仔就係要犧牲下架啦,仲想PG mk2泰坦斯?

袁建滔 said...

to sito
其實我暗地裡已降格,MG都殺。

謝斐 said...

MG 對我黎講都已經好大件 + 好煩.... HGUC 才是心頭好 XD

袁sir 不如post d 完成品俾我地欣賞吓啦~

p.s. MG 強人就黎出, 會唔會諗住整翻個玩呀?

袁建滔 said...

to 謝斐
袁乜鬼野SIR呀?我寧願你「喂」我算啦。
經你一講,我赫然發覺,原來我只完成了一個MG……還要是機動警察二號機。一件GUNDAM的MG也沒完成過……買了,開了工的MG有KA GUN、KA BALL、愛爾蘭啡蟹、NEW GUNDAM、VER YEAR ONE GUNDAM、GOD GUNDAM,買了未郁過的有S GUNDAM、KA WING、獅頭鷹,還有TR-1、led MIRAGE、ARMOURED CORE、太陽之牙。救命。
完成了的PG反而有GUN同綠渣,還有一副舊的一比六十大魔。

ben said...

講開機動警察,我果件透明PARTS去左邊?
噴完油未?應該四年都黎緊....XDD

袁建滔 said...

放心,仲响度,不過未噴……

BEN said...

ah... 好彩.....