世界盃記事簿

發福後的朗拿度越來越似顏福偉，希望他有機會「多乸紙個煎牌」。

晚上跟治治到公園玩，經過球場，遠遠看見一個至少二百磅的肥佬在角球位踢波，腳腳七注，頗有功架。走近點看，原來肥佬不是男，是女……勁！

南韓隊在領先多哥二比一後，大打拉布，拖延時間。最出人意表的是獲得一個離門三十碼的罸球，竟然向後踢，開創了「無能足球」的先河。

踢了一會球，便回家與治治一起看世界盃。治治看著球場上奔走行中的球員，問：「佢地o既爸爸媽媽呢？」
「爸爸媽媽？佢地緊係有爸爸媽媽啦。」我答，其實我唔知佢想問乜。
治治追問：「咁點解佢地唔同爸爸媽媽踢波呀？」
笑死我。

祖國分裂的後果（說的是蘇聯和南斯拉夫），是多了好多支參賽隊伍。大吉利是，如果中國有日重返春秋戰國年代……

慢鏡頭重播雙方球員在禁區內爭波。
治治問：「點解佢地唔輪流踢，要爭住o黎踢o既？」