大家一定要看＜魔怪屋Monster House＞！原裝英語版，精彩！粵語配音版，也不遑多讓（哈哈！我寫的對白稿）！
這樣厚顏去推薦＜魔＞，只因為希望它收得。以本人來說，實在極度厭倦那些幼兒向、由頭噏到尾再加七隻歌的爛鬼動物3D動畫。＜魔＞的突破在夠膽去拍一部驚慄搞笑動畫，放棄了幼兒市場，嘗試打開一個新局面。如果本片扑了（不管在港在美），實屬不幸，日後保守的片商只會繼續投資「表面上」風險較少的老幼咸宜載歌載舞動物動畫……
說回＜魔＞片，它的技術、班底是建基在另一部恐怖3D動畫＜北極快車Polar Express＞上（看過的人便知道…… :P）全片採用motion capture，正確來說，應加上facial expression capture，把演員所有細微的動作，借動畫還原出來。或許有人會問，為甚麼不索性拍真人版？我的答案是，攝影技術面世後，並不代表寫實、擬真派畫法要冚旗。不同技術，不過是用另一種方法去觀察這個世界吧。看罷＜魔＞，你便會明白，為甚麼製片人棄用真人演出而拍成動畫了。
PS：由於＜魔＞不是幼兒向，也不是笑片，片商本來沒有「筆直」重寫配音稿。但我太喜歡本片，自願割價Ｒ撈……所以，一定要看配音版啊 :D
9 comments:
睇咗 "Cars", 連 Pixer 都走回頭路.
ARM ARM 買左響樓下買左飛，本來唔諗住睇中文版，不過樓下冇得揀....聽完你咁講，都叫做有個理由去買飛，個心好過Ｄ～ ＸＤ
to Fat，
我覺得Cars至多算係原地踏步，下齣老鼠就真係走回頭路啦……表面上。希望實際唔係啦。
to BEN，
我驚我用力推過頭，你地期望過高，反過來覺得唔好睇……所以，
套戲普普通通啦，好睇過Cars少少啦。
PS：＜魔怪屋＞片長約九十分鐘，比＜加菲貓2＞長十五分鐘，但對白稿字數卻少一半，約一萬字……
cars前面個一蚊show好頂癮!
睇咗了(配音版)，睇得幾開心。其實我好怕睇配音版的，通常都攪到好浮誇、變咗第d嘢...如果唔係滔兄的手筆，我一定唔會睇配音版。幸好，配音版對白好自然，有d位仲改得好扺死，好似...
都係你哋自己睇啦。
看了中文版, 不錯, 有些位好似你d口頭禪, 例如"廢柴"....
真係俾面 IoI
其實……我寫稿時，巴士阿叔才剛冒起，還處於「幾得意」階段，只是網路笑話一個。
誰料到完稿到配音時，竟然上了報章頭版、TVB宣傳句，變了質……
如果再來一次，我會毫不猶豫刪掉。
有說，重覆了太多，好煩。
實情時，片中阿伯不斷重覆同一句英語對白，配音稿唯有二仔底死跟。冇計。
巴士阿叔果段我唔係咁鍾意, 因為上次媒體以至全民反智, 令我討厭其他有關巴士阿叔的任何"再創作"或抽水
Keep up the good work. thnx!
»
Post a Comment