Wednesday, February 15, 2006

模型與鞋

苦戰兩星期,終於寫好犬女的初稿,放自己一天假(註)去砌模型。香港的模型新聞組內,除了一般技術、資訊的交流外,談得最多的,便是女友老婆阿媽看不起砌模型這嗜好。最常聽到的說話是「咁大個人仲玩埋D咁既野」。百分之九十或以上的女人不懂「機械美學」,對飛機大炮汽車高達等金屬製品毫無審美觀念。就以機械人模型為例,她們既不能理解「靚在邊忽」,更不會明白為甚麼要買數以百元計的模型油、「補品」,去砌一副百元不到的模型。其實道理好簡單,就好像她們會買一套衫來襯一對鞋。百分之九十以上的男人永遠也不會明白女人為甚麼會有這麼多鞋,亦不會理解「先買鞋後買衫去襯」這樣詭異的習慣。
所以會砌模型的女子是男人的XXX……到底是甚麼呢?那不是一種愛慕,也和性拉不上關係,實在想不出一個準確的稱謂。日本的老牌模型雜誌Hobby Japan約六年前開始一個專欄名叫「女子Plamo」,由著名模型師MAX渡邊,從零開始訓練一名從不砌模型的聲優少女大越友惠去砌高達模型。這場真人騷歷時數載,美少女由原始組裝、活用成型色到最終極的「MAX塗」都學得有板有眼,及後更成為部份御宅族XXX


註:「車,你都唔駛番工,日日都放假啦!」錯!我相信我「番工都冇咁勤力」。每清早送治治上校巴後便做家務,接著開始每天的寫作。一邊食午飯,一邊看當天報紙。飯後又再寫。之後買餸接放學,煮飯,陪治治玩之餘偷空看書和寫BLOG(不用那麼專心也可應付)。治治入睡後,有精神,再寫;冇精神,看看書、電影。「車,星期六日仲唔係放假!」錯!星期六日乃治治的假期,不是我的,實情比番工更辛苦:整個星期困在家裡,無論多累,都要找些節目,一家人出外走走。

3 comments:

M-2 said...

完全認同袁兄的講法!
一年才為自己買一對鞋,卻買了五對鞋給女友,每次買鞋後都是最痛苦的,又要買袋襯又要買衫褲,連襪都要襯! 天哪!

林檎妹子 said...

喜歡砌模型的女性真的是怪人?我打從中學起就很喜歡模型,對,是高達那種,不只是「BB戰士」!而且我還喜歡首辦。嗯.....倒是仍十分記得那時入模型店,全店所有人(包括老闆)都傻眼...... O_O

袁建滔 said...

to 林檎妹子,
手辦你都玩埋?唔……我知XXX係乜啦--奇葩!

幻想劇情:
老闆:對唔住,呢度唔歡迎女人架。
妹子:我想……
老闆眼睛帶點紅:你乜都唔好想。玩BARBIE,去玩斗城。玩大眼妹,去兆萬。我地呢度賣既手辧冇衫著架,愛黎砌架,唔係玩架!
妹子:唔係呢,我想……
老闆開始激動起來:唔賣呀!呢味野咁粗魯,唔係你D良家婦女玩架!又要鑽窿又要SET銅支,分分鐘要入五金舖買架撐,唔掂得架!
妹子:唔係呢,你比我講埋先啦,我想……
老闆帶著淚光落閘。「我為你好咋!我唔想誤你一世呀!過隔離波鞋街買對涼鞋算啦!」
傷心的妹子把精心製作的1/35 Ka版高達完成品放回手推車,繼續尋覓可以展示和寄賣的手辦模型店。