麥兜式對話（更新）

媽媽拿著超市減價全版報章廣告考治治。
媽指貨車。治：「貨車。」
媽指餅乾。治：「餅乾。」
媽指油雞。治：「檸檬。」

X X X X X

治治扭計不洗澡。
媽：「治治，做乜唔沖涼呀？」
治：「係因為呢，其實呢，所以唔沖涼o羅～～可能。」

X X X X X

治治剛適應幼稚園生活，願意穿校服上學。
一天我接他放學，遇上鄰座保安先生。
保：「噫，大個仔啦，咁快番學拿！」
治面色一沉，沒好氣說：「我放學呀～」

X X X X X

治治被媽媽責罵，跑來我處撒嬌。
治：「爸爸，我唔要媽媽呀。」
爸：「點解呀？」
治：「因為我要爸爸o羅。」
爸：「咁點解要爸爸呀？」
治：「因為我唔要媽媽o羅。」
爸：「咁點解唔要媽媽呀？」
治：「因為我要爸爸o羅。」