Friday, March 31, 2006

不如談食(四)

唔知食乜春

今午因事,傍晚才回家。路上只想著弄一點最簡單的晚飯。買盒叉燒飯、淥些油菜便算了。
豈料碰上巴掌大的游水泥鯭,買!想吃芥蘭,於是再買十元蠔仔來一起炒。看到魚檔放了一大碟不同類型的魚春。我問檔主怎麼吃法,他說用來蒸蛋,並強力推介極難得的「水魚蛋」。
OK,於是唔理乜春,買了才算。心想如果吃光這碟「蝕」(註),不爆血管才怪,但人一世物一世,姑且一試。
泥鯭加上大量葱、唐芹、芫茜、草姑,注凍水至蓋過所有材料,蒸浸十五分鐘。
唔知乜春洗淨,再加兩隻蛋來蒸。
芥蘭切粒,大量薑葱蒜起鑊,爆香後,下芥蘭,大炒,再下蠔仔,大炒,加入蠔油、鼓油、糖、酒和些少唐芹再炒,完成。
結果搞足一個鐘才有飯開。

PS:唔知乜春只吃了半碟,真浪費。這頓飯,至少殺了一萬條命。
PS2:打水魚蛋時,心裡有點莫明的難過。打雞蛋時,卻面不改容。
PS3:遲早一日會戒殺食齋。

註:看過漫畫「烙印戰士」的朋友,一定知我說甚麼。未看過的話,也不多解釋,反正是一堆很核突的東西。

5 comments:

rita said...

你有無比治治食"唔知食乜春"?
好驚喎!!!

Brother Kau said...

咦,唔通亞嫂幫手影相?

ben said...

唔係呀,你碟野個款都幾artistic....機乎拍得住阿泉個橙...

陶祺生 said...

請問如此食物膽固醇含量應頗高?
少吃為妙!
莫非你真的想變滔滔?
落左頭抽未?

袁建滔 said...

第二度食唔到架!